Tuesday, 25 July 2017

മലയാള സിനിമയിലെ നടിമാരെല്ലാം മാലാഖാമാരാണ്, നടന്മാരെല്ലാം പരമ ചെറ്റകളും, 'അമ്മ വെറും ആഭാസന്മാരുടേതാണ്....പ്രേക്ഷക ലക്ഷങ്ങൾക്ക് സുഖം തന്നെയല്ലേ...?

നടി ആക്രമിക്കപ്പെട്ട കേസോടെ മലയാള സിനിമക്ക് അകത്തുള്ള പുഴുക്കുത്തുകൾ പതുക്കെയെങ്കിലും പുറത്തേക്ക് കണ്ടു തുടങ്ങുന്നുണ്ട്, മലയാളിയുടെ മനസ്സിലെ പുഴുക്കുത്തു അതിലേറെ തെളിമയോടെ കാണുന്നുമുണ്ട്, പത്തു കാശും കുറച്ചു പ്രശസ്തിയും ഉള്ളവരോടൊക്കെ ഭൂരിപക്ഷം മലയാളികൾക്കും ഉള്ള സ്ഥായീ ഭാവമാണ് പുച്ഛം, നടി ആക്രമിക്കപ്പെട്ട സംഭവത്തോടെ തെളിഞ്ഞു കാണുന്ന നീതി ബോധത്തിന്റെ അങ്ങേത്തലക്കൽ   ഈ പുച്ഛഭാവം പല്ലിളിച്ച് കാണിക്കുന്നുണ്ട്, ഇപ്പോഴിതാ ജീൻ പോളിനെതിരെ ഒരു 'നടി' കേസുകൊടുത്തതോടെ സിനിമയിലെ സാംസ്കാരിക/സദാചാര  തകർച്ചയിൽ ധാർമ്മിഷ്ഠനായ ടി മലയാളിയുടെ കുരു വീണ്ടും പൊട്ടി ഒലിക്കുകയാണ്.

ഒരു പഴയ അനുഭവം അയവിറക്കിക്കൊണ്ട് തുടങ്ങാം, ഏതാണ്ട് 20 കൊല്ലം മുമ്പാണ്, പിന്നീട് ഭക്തി മാർഗ്ഗം സ്വീകരിച്ച ഒരു പഴയകാല പ്രമുഖ സംവിധായകനും, എന്റെ സുഹൃത്തായ തിരക്കഥാ കൃത്തും ചില മൂന്നാം നിര നടന്മാരും കൂടി ഒരു വലിയ വീട് വാടകക്കെടുത്തു പുതിയത് സിനിമയുടെ പണിപ്പുരയിലാണ്, സുഹൃത്തിനെ സന്ദർശിക്കാൻ എത്തിയ ഞാൻ ഉൾപ്പടെ ഉള്ളവർ സംസ്സാരിച്ചു ഇരിക്കുന്നതിനിടെ ഒരു കാർ വന്നു നിന്നു, അമ്മയും മകളും പുറത്തിറങ്ങി, ഒരു 'സുഹൃത്തിന്റെ' റെക്കമെന്റേഷനിൽ മകളെ അഭിനയിപ്പിക്കാൻ സംവിധായകനെ കാണാൻ വന്നതാണ് അമ്മയും മോളും, എല്ലാവരോടും കൈകൂപ്പി കാണിച്ചു രണ്ടുപേരും ഇരുന്നു, കൂടെ കൊണ്ട് വന്ന മോളുടെ വ്യത്യസ്ത ഭാവങ്ങളോടെയുള്ള ഫോട്ടോകൾ 'അമ്മ സംവിധായകനെ കാണിച്ചുകൊണ്ടിരുന്നു, സ്‌കൂളിലെയും കോളേജിലെയും മോളുടെ അഭിനയ പ്രകടനങ്ങളെക്കുറിച്ചു വാതോരാതെ സംസാരിച്ചു കൊണ്ടിരുന്നു,
"എന്നാപ്പിന്നെ ഞാൻ ആലോചിച്ചു വിളിക്കാം ഷൂട്ട് തുടങ്ങാൻ ഒരു രണ്ടു മാസമെങ്കിലും കഴിയും, നിങ്ങൾ ഇപ്പൊ പൊയ്ക്കോളൂ എന്ന് സംവിധായകൻ, വീണ്ടും കൈകൂപ്പി വണങ്ങി എഴുന്നേറ്റു വാതിലിനടത്തു വരെ നടന്ന 'അമ്മ വീണ്ടും ഒന്ന് തിരിഞ്ഞു നിന്നു, എന്തോ ചോദിക്കാൻ ഉള്ളത് പോലെ.... നടന്മാരിൽ ഒരാൾ എഴുന്നേറ്റ് ചെന്ന് ചോദിച്ചു, "എന്തേ..?" "സ്വരം താഴ്ത്തി 'അമ്മ : "സാർ ഞങ്ങൾ ഇന്നിവിടെ നിക്കണോ", സ്ലോമോഷനിൽ കഴുത്തു തിരിച്ചു നടൻ സംവിധായകനെ നോക്കി, വിട്ടു കളയടെ എന്ന് ആംഗ്യം "പിന്നെ വിളിക്കാം" എന്ന് നടൻ അമ്മക്ക് തർജ്ജമ ചെയ്തു കൊടുത്തു, മനസ്സില്ലാ മനസ്സോടെ 'അമ്മ മോളെയും കൂട്ടി പുറത്തിറങ്ങി... അത്യാവശ്യം തരക്കേടില്ലാത്ത അലവലാതികളായ ഇവന്മാർ എന്തെ ആ 'ഭാവി നടിയെയും ഒരു 'ഒന്നൊന്നര' അമ്മയെയും വിട്ടു കളഞ്ഞു, എന്ന ചോദ്യത്തിന് എന്റെ സുഹൃത്ത് നൽകിയ മറുപടി "അവന്മാർക്ക് ഇന്നത്തെ ആവശ്യത്തിനുള്ള 'സാധനങ്ങൾ' മുകളിലെ മുറിയിൽ ഉണ്ട്" എന്നായിരുന്നു...!

നമുക്ക് 2017 ലേക്ക് വരാം
ഒരു നടി ആക്രമിക്കപ്പെടുന്നു,
സിനിമാലോകം ഒന്നാകെ പ്രതിഷേധിക്കുന്നു,
മുഖ്യമന്ത്രിയെ വിളിക്കുന്നു,
നടിയെ നേരിൽ വിളിച്ചു ഞങ്ങൾ കൂടെ ഉണ്ട് എന്ന് പറയുന്നു.... കേസ് അന്വേഷണം ശക്തമാക്കണം എന്ന് പോലീസിനോട് ആവശ്യപ്പെടുന്നു...
ഇതിലപ്പുറം ഒരു സംഘടനയും സഹപ്രവർത്തകരും എന്താണ് ചെയ്യേണ്ടത്?

ദിവസങ്ങൾക്കകം ഒരു നടൻ പ്രതിയാണ് എന്ന അഭ്യൂഹം വരുന്നു,
താൻ അല്ല എന്ന് നടൻ ആണയിട്ടു പറയുന്നു,
'അമ്മ എന്ന സംഘടനാ എന്ത് ചെയ്യണം?,
ദിലീപിനെതിരെ ഒരു തെളിവുമില്ലാത്ത,
സംഭവത്തിന് പിന്നിൽ ഗൂഡാലോചന ഇല്ല എന്ന് സംസ്ഥാന ആഭ്യന്തര വകുപ്പ് ഭരിക്കുന്ന മുഖ്യമന്ത്രി പ്രസ്താവന ഇറക്കിയ ആ നാളുകളിൽ, "ആക്രമിക്ക പെട്ട നടിക്ക് നീതികിട്ടണം, " ഒരു തെളിവുമില്ലാതെ ദിലീപിനെതിരെ നടക്കുന്ന മാധ്യമ വിചാരണ ശരിയല്ല, രണ്ടു പേർക്കും നീതികിട്ടണം"
ഇതല്ലാതെ പിന്നെ എന്താണ് ഒരു സംഘടന പറയുക?
പക്ഷെ മാധ്യമണങ്ങൾക്കും അവർ സൃഷ്ടിച്ചെടുത്ത പൊതു ബോധത്തിനും അത് പോരായിരുന്നു.... 'അമ്മ പിന്നെ എന്ത് നിലപാട് സ്വീകരിക്കണം?എന്ന ചോദ്യം വായുവിൽ ലയിച്ചു! അമ്മക്കെതിരെ തൊണ്ടകീറിയ വിമർശനങ്ങൾ ഉച്ചത്തിൽ മുഴങ്ങി   ,
ദിലീപ് കേസിൽ അറസ്റ്റിലായി,
'അമ്മ നടിക്ക് പിന്തുണ പ്രഖ്യാപിച്ചു,
ദിലീപിനെ പുറത്താക്കി!
'അമ്മ വേറെ എന്താണ് ചെയ്യേണ്ടിയിരുന്നത്?
ദിലീപിനെ പരിചയമുള്ള അയാളോടൊപ്പം തൊഴിലെടുക്കുന്ന പല നടന്മാരും ദിലീപ് ഒരിക്കലും അങ്ങനെ ചെയ്യില്ല, അയാൾ അങ്ങനത്തെ ആളല്ല എന്ന് പറഞ്ഞു,
എന്താ പറഞ്ഞു കൂടെ?
അവർക്ക് അറിയുന്ന ദിലീപ് അക്രമിയല്ല എന്ന് പറയാനുള്ള അവകാശം അവർക്കില്ലേ...?
ടി പി യെ വെട്ടി നുറുക്കി കൊലചെയ്തവരുടെ കേസുനടത്താനും ന്യായീകരിക്കാനും ഇവിടെ ആളുണ്ട്, അതിൽ ആർക്കും പരാതിയില്ല, സകല രാഷ്ട്രീയ പാർട്ടികളൂം അക്രമങ്ങളെ പ്രോത്സാഹിപ്പിക്കുന്നു പ്രതികൾക്കായി പിരിവു നടത്തുന്നു ആർക്കും പരാതിയില്ല....
സിനിമാക്കാർ അയാൾ അങ്ങനെ ചെയ്യാൻ സാധ്യതയില്ല എന്നൊരു പ്രസ്താവന ഇറക്കിയാൽ ചാനലികളിൽ ഒച്ചപ്പാടായി,
കാശും പ്രശസ്തിയും ഉള്ളവനോടുള്ള കണ്ണുകടി! വേറെന്ത്?

ഇന്നസെന്റ്റ് പെണ്ണുങ്ങളെ പറ്റി വേണ്ടാത്തത് പറഞ്ഞത്രേ..!
സിനിമയിൽ പെണ്ണുങ്ങൾ മിക്കവാറും നല്ലവരാണ്, ഏതെങ്കിലും മോശക്കാർ കിടന്നു കൊടുക്കുണ്ടാവും എന്നാണ് ഇന്നസെന്റ് പറഞ്ഞത്.. !! അത് പക്ഷെ സദാചാര മലയാളിക്ക് രസിച്ചില്ല. !
സിനിമയിൽ ആരൊക്കെ കിടക്കും, ആരൊക്കെ കിടക്കില്ല, കിടക്കുന്നവരുടെ വെറുതെ കിടക്കുമോ..റേറ്റ് എത്രയാണ് എന്ന കാര്യങ്ങളൊക്കെ പരസ്യമായ രഹസ്യമാണ്,
പുതിയ തലമുറയിലെ നല്ല വിദ്യാഭ്യാസവും വ്യക്തിത്വും ഉള്ള നടിമാരോടൊന്നും ഒന്ന് മുട്ടി നോക്കാൻ പോലും ആരും ധൈര്യപ്പെടാറില്ല, കഴിവിന്റെ അടിസ്ഥാനത്തിൽ തന്നെയാണ് അവർക്കു അവസരം വന്നു ചേരുന്നത്.. എന്നാൽ അവസരത്തിനും കാശിനും  വേണ്ടി എന്തിനും തയ്യാറുള്ളവരും ഇതേ ഇൻഡസ്ട്രിയിൽ ഉണ്ട്,
മലയാള സിനിയമിൽ എന്നല്ല, ഇന്ത്യൻ സിനിമയിൽ എന്നല്ല, ലോകത്തു എല്ലായിടത്തും ഇങ്ങനെ ഒക്കെ തന്നെയാണ് കാര്യങ്ങൾ. "എന്റെ മോളെ ഒരച്ഛൻ കാണാൻ പാടില്ലാത്ത വിധത്തിൽ എനിക്ക് കാണേണ്ടി വന്നു, അമ്മയാണ് അവളെ നശിപ്പിക്കാൻ കൂട്ട് നിന്നത് എന്ന്, എറണാകുളം പ്രസ്‌ക്ലബ്ബിൽ പത്രസമ്മേളനം നടത്തേണ്ടി വന്ന അച്ഛനുള്ള നാടാണ് നമ്മുടേത്..! അവിടെയാണ് മോശക്കാരുണ്ടെങ്കിൽ മോശം പണി ചെയ്യുന്നുണ്ടാവും അതിനു നമുക്കെന്തു ചെയ്യാൻ കഴിയും എന്ന ഇന്നസെന്റിന്റെ ചോദ്യം അപരാധമായി മാറുന്നത്?

രാജ്യത്തെ കള്ളപ്പണം ഒഴുകുന്ന കടലാണത്രെ സിനിമാ വ്യവസായം!, നടന്മാരും നടിമാരും സംവിധായകന്മാരും, സിനിമാക്കാരും എല്ലാരും കള്ളപ്പണക്കാർ...!!

24 മണിക്കൂറും രാഷ്ട്രീയ പ്രവർത്തനം നടത്തി പാർട്ടിയിൽ നിന്നു ശമ്പളം വാങ്ങി ജീവിക്കുന്നവർ കൊട്ടാര സമാനമായ വീട് വെക്കുന്നതും, മക്കളെ വിദേശത്തു അയച്ചു പഠിപ്പിക്കുന്നതും പക്ഷെ വെള്ളപ്പണം കൊണ്ടാണ്,
നാട്ടിൽ തേരാപാരാ നടന്നിരുന്ന കേന്ദ്രം ഭരിക്കുന്ന പാർട്ടിയുടെ നേതാക്കൾ രണ്ടുമൂന്നു കൊല്ലം കൊണ്ട് തിളങ്ങുന്ന കുപ്പായവും, സ്വത്തു വകകളും സ്വന്തമാക്കിയത് വെള്ളപ്പണം കൊണ്ടാണ്,
സകല നഗരങ്ങളിലും അംബര ചുംബികളായ കെട്ടിടങ്ങൾ ഉയർന്നു പൊങ്ങുന്നത് വെള്ളപ്പണം കൊണ്ടാണ്!
രാഷ്ട്രീയ പാർട്ടികൾ രാഷ്‌ട്രപതി ഭവനെ വെല്ലുന്ന ഓഫീസ് സമുച്ഛയങ്ങൾ കെട്ടി പൊക്കുന്നത് വെള്ളപ്പണം കൊണ്ടാണ്
കൂണുപോലെ മുളച്ചു പൊങ്ങുന്ന മാധ്യമ ഭീമന്മാരൊക്കെയും എടുത്തെറിയുന്നത് വെള്ളപ്പണമാണ് !
സിനിമക്കാരുടേത് മാത്രം 'കള്ളപ്പണം' !
സിനിമക്കാരോടുള്ള അരിശം തീർക്കാൻ ഇനി എന്തൊക്കെയാണ് പാണന്മാർ പാടി നടക്കുന്നത്?

മമ്മുട്ടി മിണ്ടിയില്ല, മോഹൻലാൽ വാതുറക്കാനില്ല.....
ഒന്ന് വീതം മൂന്നു നേരം ചാനലുകളെ വിളിച്ചു പ്രതിഷേധം അറിയിക്കാൻ ഇരിക്കുകയാണല്ലോ, മമ്മുട്ടിയും മോഹൻലാലുമൊക്കെ... !! നിങ്ങളീ പറയുന്ന 'കുത്തഴിഞ്ഞ' സിനിമാലോകത്ത് ആരെക്കൊണ്ടും 'പറയിക്കാതെ' അന്തസ്സായി പതിറ്റാണ്ടുകളായി ജീവിക്കുവരാണ് മമ്മൂട്ടിയും  മോഹൻലാലും ഉൾപ്പടെയുള്ള സിനിമാക്കാർ. !
സിനിമ എന്ന കലാരൂപത്തോട് ഉള്ള ഭ്രമം കൊണ്ട് മാത്രം ചേക്കേറിയവർ, പകലന്തിയോളം തൊഴിലെടുത്ത് ജീവിക്കുന്നവർ,
'ഇരിക്കക്കൂര' പണയപ്പെടുത്തി  ലോണെടുത്ത് സിനിമ പിടിക്കുന്ന സുഹൃത്തുക്കൾ! ഒരു സിനിമ തുടങ്ങാൻ തീരുമാനിച്ചത് മുതൽ 'പെട്ടിയിലാക്കി' തിയേറ്ററിൽ എത്തുന്നത് വരെ ഊണും ഉറക്കവും ഉപേക്ഷിച്ചു സന്യാസ ജീവിതം നയിക്കുന്ന സിനിമാ സ്നേഹികളായ
ചെറുപ്പക്കാർ അണിയറ പ്രവർത്തകർ, ഇവരുടേത് ഒക്കെയാണ് സിനിമ, ഇവിടെ എല്ലാവരുമുണ്ട് സമൂഹത്തിന്റെ നന്മയുടെയും തിന്മയുടെയും പരിച്ഛേദം സിനിമയിലുമുണ്ട്, 'സദാചാര മലയാളിയുടെ' പഴകിപ്പുളിച്ച കുശുമ്പിനോട് പ്രതികരിക്കാൻ അവർക്കു മനസ്സില്ല,! സമയവുമില്ല



ഇപ്പോഴിതാ ജീൻ പോളിനെതിരെ കേസുമായി വന്നിരിക്കുന്നു നടി !, 2016 ൽ ലൈംഗീക ചുവയോടെ സംസാരിച്ചത്രേ! എല്ലാവരും ഇരയോടൊപ്പം തന്നെ കാണണം, പെണ്ണാണല്ലോ എന്നും ഇര! തന്നെക്കാൾ കാശും പ്രശസ്തിയും ഉള്ളവരോട് മലയാളിക്കുള്ള അസൂയയുടെയും വിദ്വെഷത്തിന്റെയും ചൂണ്ടയിൽ കുടുങ്ങിയ ഇര ! 

Monday, 3 August 2015

വിടി ബലറാമില്‍നിന്ന് കോടിയേരി ബാലകൃഷ്ണന് പഠിക്കാനുള്ളത്....

കേരളത്തിലെ ഏറ്റവും വലിയ രാഷ്ട്രീയ പ്രസ്ഥാനത്തിന്‍റെ അമരക്കാരന്‍ ഇത്തിരി പോന്ന ഒരു കോണ്‍ഗ്രസ്സ് എം എല്‍ എ യില്‍ നിന്ന് പഠിക്കണമത്രേ..., താനാരുവാടെ...? മൂരാച്ചി തനിക്ക് ഈ പാര്‍ട്ടിയെ പറ്റി എന്തറിയാം, കോടിയേരിയെ താന്‍ കണ്ടിട്ടുണ്ടോഡാ അലവലാതി....?
"എന്‍റെ സഖാവേ ഇതാണ് നിങ്ങളുടെ നിങ്ങളുടെ ഒരു ജന്മസിദ്ധമായ കുഴപ്പം, ആട് തോമയോട് ശങ്കരാടി പറയുന്ന പോലെയാണ് കാര്യങ്ങള്‍ സകലകലാവല്ലഭന്‍ പക്ഷെ വകതിരിവ് കഷ്ടി!
അങ്ങ് ബംഗാളില്‍ മരുന്നിന് ചേര്‍ക്കാന്‍ പോലും കിട്ടാത്ത വിധം പാര്‍ട്ടി അപ്രത്യക്ഷമായി വരികയും, ഇങ്ങ് കേരളത്തില്‍ അഴിമതിയിലും പെണ്ണ് കേസിലും മുങ്ങി മാനംകെട്ട ഒരു സര്‍ക്കാരിന് മുന്നില്‍ ദയനീയമായി പരാജയപ്പെടുകയും ചെയ്ത പശ്ചാത്തലത്തില്‍ സഖാക്കളേ..., വലിച്ചു പിടിച്ചു വെച്ച ആ ശ്വാസം വിട്ടുകളഞ്ഞ് നിങ്ങള്‍ ഇത് കേട്ടേ പറ്റൂ..., മിണ്ടുന്നവനെയൊക്കെ പാര്‍ട്ടി വിരുദ്ധനെന്ന്‍ വിളിച്ച് ‘ശത്രു പക്ഷത്തെത്തിക്കാന്‍ ചില നേതാക്കള്‍ കാണിച്ച ആവേശം എത്രത്തോളം വിനാശകരമായിരുന്നു വെന്ന് പാര്‍ട്ടിയിലെ യുവാക്കള്‍ വരെ പരസ്യമായി സമ്മതിച്ചു തുടങ്ങിയിരിക്കുന്ന കാലം വന്നിരിക്കുന്നു"    

Thursday, 30 July 2015

യാക്കൂബ് മേമന്‍റെ കൊല മുസ്ലിംകളോട് പറയുന്നത്

യാക്കൂബ് മേമനെ, ഇന്ത്യന്‍ നിയമ വ്യവസ്ഥയെ മറയാക്കി ഫാസിസം തൂക്കി കൊന്നിരിക്കുന്നു..,
നിരവധി കലാപങ്ങളിലും കൊലപാതകങ്ങളിലും നേരിട്ട് പങ്കുള്ള നിരവധി പേര്‍ അവര്‍ മുസ്ലിംകള്‍ അല്ലാത്തത് കൊണ്ട് മാത്രം നിയമ വ്യവസ്ഥയുടെ കണ്ണില്‍ പെടാതെ നടക്കുമ്പോള്‍, ഒരു മുസ്ലിമിനെ സ്ഫോടനക്കേസില്‍ ഗൂഢാലോചന നടത്തിയതിന്‍റെ പേരില്‍ തൂക്കിലേറ്റിക്കൊണ്ട് ഫാസിസം മുസ്ലിം കളോട് പറയുന്നത് പ്രകോപിതരാവുക എന്നാണ്.

Wednesday, 13 May 2015

ലീഗ് ബഹിഷ്കരണത്തിലേക്ക്...SDPI ലക്ഷ്യത്തിലേക്ക് അടുക്കുന്നുവോ..?

എസ്  ഡി പി ഐ എന്ന രാഷ്ട്രീയ പ്രസ്ഥാനത്തിന്‍റെ പ്രവര്‍ത്തകര്‍ക്ക് സാമൂഹ്യ ഭ്രഷ്ട് കല്‍പ്പിക്കാന്‍ മുസ്ലിം ലീഗ് തീരുമാനിച്ചിരിക്കുന്നു, ഓണ്‍ ലൈനില്‍ പോലും സൗഹൃദം വേണ്ട എന്നാണ് തിട്ടൂരം ... രാഷ്ട്രീയത്തില്‍ സ്ഥിരം ശത്രുക്കളോ മിത്രങ്ങളോ ഇല്ല എന്ന ആപ്തവാക്യം കേട്ട് പഠിച്ച നമുക്കൊക്കെ വലിയ അമ്പരപ്പ്‌ തോന്നേണ്ട തീരുമാനമാണ് ലീഗ് എടുത്തിരിക്കുന്നത്, കേരള രാഷ്ട്രീയത്തില്‍ കേട്ടു കേള്‍വി ഇല്ലാത്ത ഈ 'ബഹിഷ്കരണ' യജ്ഞത്തിലേക്ക് എടുത്തുചാടാന്‍ ലീഗിനെ പ്രേരിപ്പിച്ച കാരണമെന്താണ്?
നമുക്ക് കണ്ടു പിടിക്കാം 

Sunday, 3 May 2015

ഇവനെ സൂക്ഷിക്കുക.., കൂടെയുള്ള വാനരന്മാരെയും.

മുസ്ലിം സമുദായത്തെ സ്വർഗ്ഗത്തിൽ കേറ്റാൻ അരയും തലയും മുറുക്കി നടക്കുന്ന കുറെ ഊളകൾ ഉണ്ട്, തെരുവുകളിലെ ഇവരുടെ ഘോരഘോര വാക് പയറ്റുകളും ക്ലിപ് പ്രദർശനവും വെല്ലുവിളികളും ആക്രോശങ്ങളും തുടങ്ങിയിട്ട് കാലം കുറെയായി...യുടുബിൽ 'അപ്പുറവും ഇപ്പുറവു'മുള്ള ദീനീ സേവകരുടെ തെറിവിളികാരണം വഴി നടക്കാൻ പറ്റാത്ത അവസ്ഥയാണ്  മതത്തെ ക്കുറിച്ചുള്ള ഇവന്മാരുടെ ചർച്ചകളും അവരുടെ സ്വർഗ്ഗവും നരകവും അതിന്റെ പേരിലുള്ള തല്ലും തുടർന്നോട്ടെ..., ഇന്ത്യ നൽകുന്ന അഭിപ്രായ സ്വാതന്ത്ര്യം ഇവർക്കൊക്കെ സ്വർഗ്ഗം സ്വന്തം നേതാക്കളുടെ ട്രൌസർ കീശയിൽ സൂക്ഷിക്കാൻ കൂടി ഉള്ളതാണല്ലോ....

Wednesday, 22 April 2015

എസ് എസ് എൽ സി 'വിജയത്തിന്' പിന്നിൽ പ്ലസ്ടു മാഫിയ..!!


മുമ്പ് എസ് എസ് എൽ സി പരീക്ഷ ജയിക്കാൻ 210 മാർക്ക് വേണമായിരുന്നു ആകെ പതിനാലു വിഷയങ്ങൾ.
ഒരു വിഷയത്തിന് മിനിമം പത്തു മാർക്ക് വേണം
ആകെ മാർക്ക് 210 വേണം.
ഏതെങ്കിലും ചോദ്യ പേപ്പർ അൽപം കഠിനം (50 ൽ 10 നേടാൻ കഴിയുന്നതിലും കഠിനം!!!) ആണെന്ന് തോന്നിയാൽ ആ വിഷയത്തിന് മോഡറേഷൻ നൽകും അതായത് കണക്ക് പരീക്ഷ അൽപം കഠിനമായിരുന്നു വെങ്കിൽ കണക്കിന് 3 മാർക്ക് സർക്കാർ വക, കണക്കിന് 7 കിട്ടിയവനും പാസ്സാകും.

Monday, 2 February 2015

നാദാപുരത്തെ മാറാടാക്കരുത്, രമേശ് ചെന്നിത്തലക്ക് ഒരു തുറന്ന കത്ത്


ബഹുമാന്യനായ ആഭ്യന്തര മന്ത്രി രമേശ് ചെന്നിത്തലക്ക്,
സര്‍,
ഏതാനും ദിവസങ്ങള്‍ക്ക് മുമ്പ് നാദാപുരത്ത് നടന്ന കൊലപാതകവും അക്രമവും താങ്കളുടെ ശ്രദ്ധയില്‍ പെട്ടു കാണുമോ എന്നറിയില്ല. മന്ത്രിസഭയിലെ സഹപ്രവര്‍ത്തകര്‍ അഴിമതി ആരോപണങ്ങള്‍ നേരിടുന്ന സമയത്ത് അതിനെ എങ്ങനെ പ്രതിരോധിക്കാം എന്ന ചിന്തയിലായിരിക്കാം താങ്കള്‍, കേരളത്തെ തോക്കിന്‍ കുഴല്‍ വിപ്ലവത്തിലൂടെ കീഴടക്കാനിറങ്ങിയ വയനാടന്‍ കാടുകളെ വിറപ്പിച്ചു കൊണ്ടിരിക്കുന്ന നാലും മൂന്നും ഏഴ് മാവോവാദികളെ പിടികൂടാന്‍ കേരളാ പോലീസിനെയും അവരെ സഹായിക്കാന്‍ കേന്ദ്രസേനയെയും ഇറക്കുന്ന തിരക്കിനിടയില്‍ അങ്ങേക്ക്  നാദാപുരത്ത് നടന്നതെന്ത് എന്ന് അന്വേഷിക്കാന്‍ സമയം കിട്ടാതെ വരിക വെറും സ്വഭാവികം മാത്രമാണ്. അത് കൊണ്ട് അങ്ങയുടെ അറിവിലേക്കായി സംഭവം ചുരുക്കി പറയാം.

Monday, 26 January 2015

ഞാന്‍ പ്രാര്‍ഥിക്കുന്നു എന്‍റെ രാജ്യത്തിന് വേണ്ടി, ഞാന്‍ നിലകൊള്ളുന്നു എന്‍റെ രാജ്യത്തിന് വേണ്ടി.

എന്‍റെ രാജ്യമെന്നാല്‍ അറബിക്കടലും ബംഗാള്‍ ഉള്‍ക്കടലും ഹിമാലയവും അതിര്‍ത്തി പങ്കിടുന്ന വെറും മണ്ണ് മാത്രമല്ല. അതിനകത്തുള്ള സര്‍വ്വ ചരാചരങ്ങളും അടങ്ങിയതാണ്.
വ്യത്യസ്ത ഭാഷകളും സംസ്കാരവും ഭക്ഷണ-വസ്ത്ര-വിശ്വാസ രീതികളും ഉള്‍ക്കൊള്ളുന്ന മഹത്തായ രാജ്യം,ഇന്ത്യ.
ലോക ജനസംഖ്യയുടെ ആറില്‍ ഒന്നിന് ദൈവം പാര്‍പ്പിടം ഒരുക്കിയത് എന്‍റെ ഇന്ത്യയിലാണ്,
ഞാന്‍ പ്രാര്‍ഥിക്കുന്നു എന്‍റെ രാജ്യത്തെ സര്‍വ്വരുടെയും സമാധാനത്തിനും സൌഖ്യത്തിനും വേണ്ടി

Friday, 23 January 2015

'നാദാപുരം രാഷ്ട്രീയം', കൊലക്കത്തി കയ്യിലെടുക്കും മുമ്പ് അറിയേണ്ട ചിലത്

നാദാപുരത്ത് വീണ്ടും വെട്ടും കുത്തും തുടങ്ങി, കേരളത്തില്‍ മറ്റെല്ലായിടത്തും പ്രവര്‍ത്തിക്കുന്ന പാര്‍ട്ടികള്‍ തന്നെയാണ് നാദാപുരത്തും പ്രവര്‍ത്തിക്കുന്നത്. പക്ഷേ നാദാപുരം രാഷ്ട്രീയത്തിന് ചില പ്രത്യേകതകള്‍ ഉണ്ട്. ഒന്ന്  അവിടെയുള്ളത് വര്‍ഗ്ഗീയതയുടെ രാഷ്ട്രീയമാണ്, രണ്ട് കേരളത്തിലെ രാഷ്ട്രീയ നേതാക്കള്‍ പത്രങ്ങളുടെ ഒന്നാം പേജ് വിവാദങ്ങളില്‍ നിന്ന് രക്ഷപ്പെടാന്‍ ആഗ്രഹിക്കുമ്പോഴൊക്കെ നാദാപുരത്തിന്റെ രാഷ്ട്രീയം കലുഷിതമാകും.
മൂന്ന്. ശത്രു പക്ഷത്ത് നില്‍ക്കുന്ന രണ്ട് രാഷ്ട്രീയ പാര്‍ട്ടികളുടെയും (ലീഗ് സി പി എം) നേതാക്കള്‍ തമ്മില്‍ വ്യക്തിപരമായി ഇത്രയേറെ അടുപ്പമുള്ള വേറെ ഒരു പ്രദേശവും കാണില്ല. ! പ്രാദേശിക നേതാക്കളും അണികളും കീരിയും പാമ്പുമായി ജീവിക്കുന്ന നാദാപുരത്തെ 'തലമുതിര്‍ന്ന' നേതാക്കള്‍ പക്ഷേ 'കൂട്ടുകുടുംബമായാണ്' ജീവിക്കുന്നത്.

Monday, 15 December 2014

കെ ബി ഗണേഷ് കുമാര്‍ സദാചാര കേരളത്തിന്‍റെ ബ്രാന്‍ഡ് അംബാസിഡര്‍ ആകുമ്പോള്‍...

കെ ബി ഗണേഷ് കുമാറിനെ അറിയാത്തവര്‍ ആരും ഉണ്ടാവില്ല, സുപ്രസിദ്ധിയും കുപ്രസിദ്ധിയുമായി 'പ്രസിദ്ധി' വേണ്ടുവോളമുള്ള സിനിമാ-രാഷ്ട്രീയ നായകനാണ് ഗണേഷ്. ഇന്നലെ മുതല്‍  ഗണേഷ് കുമാറിന് മറ്റൊരു അംഗീകാരം ഗണേഷിനെ തേടിയെത്തി. സദാചാര കേരളത്തിന്‍റെ ബ്രാന്‍ഡ് അംബാസിഡര്‍. ഏഷ്യാനെറ്റ് ടി വി യിലെ നമ്മള്‍ തമ്മില്‍ എന്ന പ്രോഗ്രാമ്മില്‍ വെച്ചാണ് ഗണേശന്‍ ഈ അംഗീകാരം നേടിയെടുത്തത്. ചുംബന സമരവുമായി ബന്ധപ്പെട്ട് നടത്തിയ ആ ചര്‍ച്ചയില്‍ ഗണേഷ് നടത്തിയ മഹത്തായ ഒരിടപെടല്‍ സോഷ്യല്‍ മീഡിയ കൊണ്ടാടുകയാണ്.

Thursday, 11 December 2014

ഞാന്‍ ചുംബന സമരത്തെ അനുകൂലിക്കുന്നു, കാരണം....

കേരളം അരക്കെട്ടില്‍ നിന്ന് ചുണ്ടുകളിലേക്ക് 'ഉയര്‍ന്നിട്ടുണ്ട്', സരിതാ  നായരും ശാലിനി മേനോനും ബിന്ദ്യ തോമസും സാമൂഹ്യ രാഷ്ട്രീയ ചര്‍ച്ചകള്‍ 'നിയന്ത്രിച്ചിരുന്ന' ഇന്നലെകളില്‍ നിന്ന് ചുംബന സമരക്കാരുടെ ചുണ്ടുകളിലേക്ക് ചര്‍ച്ചകള്‍ പടര്‍ന്ന് കയറുമ്പോള്‍ 'ആഭാസം' അല്‍പം കുറഞ്ഞിട്ടില്ലേ...? ഏതായാലും ചുബന സമരത്തില്‍ നിങ്ങള്‍ ഏത് പക്ഷത്ത് എന്ന ചോദ്യം പിണറായി പോലും നേരിടേണ്ടി വരുന്നു, അപ്പുറത്തോ ഇപ്പുറത്തോ എന്ന് പലര്‍ക്കും വലിയ പിടിയില്ല. ചുംബനത്തെ അനുകൂലിക്കണം എന്നുണ്ട് സദാചാരം പിടിവിടാനും പാടില്ല, ഡി വൈ എഫ് ഐ ഉള്‍പ്പടെയുള്ള യുവജന സംഘടനകളില്‍ വരെയുണ്ട് ഈ അങ്കലാപ്പ്. ബ്ലോഗനോടും പലരും ചോദിക്കുന്നു എന്താണ് ചുംബന സമരത്തോടുള്ള താങ്കളുടെ നിലപാട്? ഉത്തരം : ഞാന്‍ ആ സമരത്തെ അനുകൂലിക്കുന്നു, നൂറു വട്ടം.

Thursday, 27 November 2014

പീഡനത്തിന്റെ രാഷ്ട്രീയവും ചില 'മറുനാടന്‍' ചാണകപ്പുഴുക്കളും.

പീഡനക്കേസുകളോട് മലയാളികള്‍ക്ക് വല്ലാത്തൊരു 'ഇത്' ഉണ്ട്. അരയ്ക്ക് താഴോട്ടുള്ള വിഷയങ്ങളോട് പൊതുവേയുള്ള താല്‍പര്യത്തിന്‌ പുറമേയുള്ള ആ 'ഇത്' ഉണ്ടാക്കുന്നത് പീഡനക്കേസിന്റെ ശത്രു സംഹാര സാധ്യതകളാണ്, എത്രപണവും സ്വാധീനവും ഉണ്ടെങ്കിലും പീഡന ക്കേസില്‍ ഉള്‍പ്പെട്ടു പോയാല്‍ ആ സല്‍പേര് കാലാകാലവും നിലനില്‍ക്കും, ഒരു നിലക്കും ഒതുക്കാനാവാത്ത ശത്രുവിനെ പെണ്ണൊരുംബെട്ടാല്‍ വലിച്ചു കീറിക്കളയാം. കാലിക്കറ്റ്  യുനിവേര്‍സിറ്റിയുടെ വൈസ് ചാന്‍സലര്‍ ഈയിടെ പെണ്ണുങ്ങള്‍  തനിച്ച് തന്‍റെ ഓഫിസില്‍ വരുന്നത് നിരോധിച്ചിരുന്നു, വൈസ് ചാന്‍സലറെ തുരത്താനുള്ള എല്ലാ കുരുട്ടുബുദ്ധിയും പരാജയപ്പെട്ടു നില്‍ക്കുന്ന കാലമാണ് ഒരു വനിതാ സഖാവ് വിചാരിച്ചാല്‍ ഇമവെട്ടുന്ന നേരം മതി യുനിവേര്‍സിറ്റി യുടെ ചാന്‍സലര്‍ പീഡനത്തിന്റെ ചാന്‍സിലര്‍ ആയി മാറാന്‍...!

Recent Posts